۞ C A H A N ۞

Necə tərpəşim tərpəşməsin su sudan
Qış, qar yağışdan
Mis məcməyilərdə gəzən tutların ağı qarasından
Deyimi necə deyim dəyməsin neynimə
Neynimi necə neynədim qoşulmasın eləyimə.
Dəlim sənnən... sənim mənnən... mənim, mənim Ərk... sənim Ərk
O boyda Allahın arxayın çiyinlərindən qərib,
Ayaqyalın qaçmış bu şerin qafasına.
Qalanbaqalan Ərk boyunu, boynumun ucasından soruş,
Sevgimi partdatmalardan çartlayıb yıxılmayan, qalan qalamdan.
Gücümü, bünövrəmi millətimin qeyrətli qalışlarından...
Qan arxa dayansa da, yıxılmaram.

 

Ağ dəsmalını dolandır,
Şeytan toru dincələn guşələrin tozun al.
Dərdin alım, əldən-ələ biz... zamanıdı.
Köhnə taxta şkafları aç,
Dolabları dindir,
Bəzə-düzə taxçaları,
Sərçə saatı qur, qoy quqquldasın,
Vaxt vermə.
Sarı salfetləri sal miz üstə,
Sandıqxanada butaxlı boxçaları səliqələ,
Bənövşəli çini bulud-boşqabları çıxart gəncədən* ,
Sazının nazın al, belin incələ,
Üzərlikləri sal tovlama torlara,
Çayxanadakı yekəpər samavarı doldur, qaynasın.
Qonaq gəlir deyirlər, bala Zəri xanım,
Əldən-ələ biz... zamanıdı.
Qan gözlərimi tutub
Ətəklər, örtüklər altında
Qanlı dəmirlər oynur.
Dəlim sənnən... sənim mənnən... mənim, mənim Ərk... sənim Ərk
Yıxıla əgər
Oooy, boy demirəm
Qonaq bacı,
Elə gələn danqaları tut, yavaş süzül get!
Bura Ərk, Ərk, Ərk meydanıdı,
Bu lüt "hu" çəkən Təbrizdi!

Qaynaq(ərəb əlifbası ilə): http://bayqush.ca/1971/05/blog-post_23.html

Şeiri müəllifin bənzərsiz ifasında dinləmək üçün BURADAN yükləyin.  

_____

* divar şkafı, bufet